विजयादशमीका दिन गरिने विशेष विधिहरू

क. नित्यपूजा सकेर जया, विजया सहित अपराजिताको पूजा गर्ने
ख. दुर्गा भवानीसहित स्थापित समस्त देवीदेवताको शुभसाइत (२०७५।७।२ गते प्रातः ९ बजेर ३९ मिनेट) मा विसर्जन गर्ने।
ग. प्रातः ९:५१ बजेको शुभसाइतमा गुरु, पुरोहित एवं आफ्ना मान्यजनका हातबाटटीकाप्रसाद एवं आशीर्वाद ग्रहण गर्ने।
घ. राष्ट्रध्यक्षले देशको सीमासम्मको यात्रा गर्ने।
ङ. शमीको दर्शन, पूजन गर्ने। आदि।

दैनिक पूजनादि एवं नवरात्रसम्बन्धी पूजन कार्य सकेर थालीमा अष्टदल लेखी दक्षिणतर्फ जया, उत्तरमा विजया र बीचमा अपराजिता देवीको स्थापना गरेर षोडशोपचारले तीनै देवीको पूजा गरी प्रार्थना गर्नुपर्छ।

प्रार्थना गर्ने मन्त्र-
जयदेवी जगन्मातर्जय विश्वविमोहिनि।
प्रसीद मम कल्याणि वाञ्छासिद्धिकरी भव।।

यसैगरी ग्रहपूजा, पाँच प्रकारका ध्वजा पताका आदिको पूजा गर्नुपर्छ। कुलदेवता र इष्टदेवताको पूजा गरी शांखजल एवं अर्घ्य चढाउनुपर्दछ। अन्त्यमा अर्घ्य दिने मन्त्र-
ॐ गन्धाक्षतैश्च संयुक्तं फलपुष्पयुतं तव।
दत्तमर्घ्यं गृहाणेदं प्रसीद परमेश्वरी।।
यसपछि क्षमा मागी दण्डवत् प्रणाम गर्नुपर्छ।

दुर्गा भवानीसहित स्थापित देवताहरूको विसर्जन गर्ने विधि-

पूजास्थलमा प्रवेश गरी यस वर्षको ८:१ बजे विसर्जनको शुभसाइतमा चन्दन, अक्षता, फूल लिएर घटस्थापनादेखि अपराजितासम्म आवाहन गरेका देवीदेवताहरूमाथि छर्किंदै यी मन्त्रहरूको पाठ गर्नुपर्छ-
ॐ दुर्गे देवि जगन्मातः स्वस्थानं गच्छ पूजिते।
संवत्सरे व्यतीते तु पुनरागमनाय वै।।
ॐ उत्तिष्ठ देवि चण्डेशि शुभपूजां प्रगृह्य च।
कुरुष्व मम कल्याणमष्टाभिः शक्तिभिः सह।।
गच्छ गच्छ परं स्थानं स्वस्थानं देवि चण्डिके।
यत्पूजितं मया देवि परिपूर्णं तदस्तु मे।

नित्यपूजा गरिने बाहेक सबै देवीदेवतामा फूलअक्षता चढाउनुपर्छ। घटस्थापना गरेको कलश चलाएर हल्लाएर अलि कति ठाउँ सार्नुपर्छ। यसपछि नयाँ अक्षता जमरा आदि कुलदेवताहरूलाई चढाउनुपर्छ ।

कलशको जलले अभिषेक-

ॐ द्यौः शान्ति… वैदिकमन्त्र र सुरास्त्वाभिषिञ्चन्तु… आदि वैदिक एवं पौराणिक मन्त्रहरूले यजमान र यजमानका पत्नीपुत्रादिलाई राखेर अभिषेक गर्नुपर्छ। अभिषेकमा पत्नीलाई बायाँ (देब्रेतिर) बसाउनुपर्छ।

टीकाजमरा एवं प्रसाद ग्रहण–
आज विजयादशमीको टीका-प्रसाद ग्रहण गर्न काठमाडाैंका लागि बिहान ९:५१ बजेको साइत उपयुक्त रहेको छ। अन्यत्र यो समयमा केही हेरफेर हुन सक्छ।
यद्यपि देवीको प्रसाद ग्रहण गर्न साइत पर्खनुपर्दैन, आफ्नो अनुकूल समयमा प्रसाद ग्रहण गर्न सकिन्छ। थालीमा अक्षता राखेर दही, रातो रङ आदि लगार्इ आब्रह्मन् ब्राह्मणो… आदि मन्त्रले टीका मुछेपछि देवीपार्षदहरूलार्इ टीका, जमरा चढाउनुपर्छ। त्यसपछि घरको मूलथाम, मूलढोका आदिमा टीका लगार्इ गुरु पुरोहित र मान्यजनका हातबाट टीका ग्रहण गर्नुपर्छ।

टीकाको आशीर्वाद–

पुरुष–
आयुर्द्रोणसुते श्रियो दशरथे शत्रुक्षयो राघवे।
ऐश्वर्यं नहुषे गतिश्च पवने मानश्च दुर्योधने।।
शौर्यं शान्तनवे बलं हलधरे सत्यञ्च कुन्तीसुते।
विज्ञानं विदुरे भवन्तु भवतां कीर्तिश्च नारायणे।।

लक्ष्मीस्ते पङ्कजाक्षी निवसतु भवने भारती कण्ठदेशे।
बर्धन्तां बन्धुवर्गाः सकलरिपुगणाः यान्तु पातालमूले।।
देशे देशे च कीर्तिः प्रसरतु भवतां कुन्दपुष्पेन्दुशुभ्रा।
जीव त्वं पुत्रपौात्रैः सकलसुखवृतैर्हायनानां शतञ्च।।

महिला–
जयन्ती मंगलाकाली भद्रकाली कपालिनी।
दुर्गा क्षमा शिवा धात्री स्वाहा स्वधा नमोSस्तु ते।।
सर्वमंगलमांगल्ये शिवे सर्वार्थसाधिके।
शरण्ये त्र्यम्बके गौरी नारायणी नमोSस्तु ते।।

निवसतु तव गेहे निश्चला सिन्धुपुत्री।
प्रवसतु भुजदण्डे कालिका वैरिहन्त्री।।
तव वदनसरोजे भारति पातु नित्यम्।
अचलतु तव चित्तं पादपद्मं मुरारेः।।

20 responses to “विजयादशमीका दिन गरिने विशेष विधिहरू”

  1. pashupati nath bajgain says:

    ati ramro patro

  2. kiran thapa says:

    Bijaya.dashian ko.suva kamana mero ghar pariwar lai

  3. Sherbahadur thapa says:

    Happy dashain

  4. Hem bahadur gharti magar says:

    tika kati baje suru darda ramro hunchha?

  5. सुदर्शन says:

    एकदमै राम्रो। विधिसंगै बीच बीचका मन्त्रहरु पनि लिंक मार्फत् पुरै हेर्न पाउने ब्यबस्था गर्दा झन राम्रो हुन्थ्यो ।

  6. manish says:

    every information

  7. प्रेम बहादुर says:

    संस्कृत श्लोक हरि का अर्थ पनी थाहा हुन पर्यो। कृपया अर्थ पनी दिनु होस।

  8. dekendra says:

    thanks

  9. pritam kumar pradhan says:

    tika lagaune time

  10. suraj nepali says:

    बडा दसैको हार्दिक मँगलमय शुभकामना

  11. rana bahadur basnet says:

    im impressed

  12. sukhram Rana says:

    nicely

  13. kamalpandey says:

    happy dasai

  14. sajjan tamang says:

    thanks

  15. Lokraj says:

    अाज को बिसेस दशैलाइ बिधाइ गर्दै अबको हाम्रो तिहार अथवा भाइ टिका लाइ स्वागत गर्दै happy Diwali all friends harulai

  16. रामेश्वर बिडारी says:

    अत्यन्तै राम्रो छ । यसैगरी प्रत्येक पर्व विशेषको पूजा एवं कर्म विधि सम्बन्धि जानकारीको अपेक्षा राख्दछौ ।

  17. Bishnu Prasad Kaphle says:

    Ahile samma yati ramro patro vetiyako thiyana.
    Soche vanda ramro xa.

  18. raj thapa magar says:

    dherai ramro

  19. Don says:

    Happy dipawali kaag tihar all of you

Leave a Reply

Your email address will not be published. Required fields are marked *

Copyright © 2017 Nepali Patro - Nepali Calendar - नेपाली पात्रो, All Rights Reserved