गणतन्त्र दिवस

नेपाली राजनीतिक इतिहासमा वि.सं. २०६२-६३को दोश्रो वृहत लोकतान्त्रिक जनआन्दोलनको सफलतापछि प्राप्त भएको लोकतन्त्र व्यवस्थाको जगमा प्रथम जननिर्वाचित संविधान शभाको पहिलो बैठकले वि.सं २०६५ साल जेठ १५ गतेको दिन नेपालमा विद्यमान निरंकुश राजतन्त्रको अन्त्य गरी नेपाललाई संघीय लोकतान्त्रिक गणतन्त्र घोषणा गरेको ऐतिहासिक दिनलाई नेपालको राष्ट्रियगणतन्त्र दिवसको रुपमा मनाइँदै आइएको छ |

वि.सं. २०६२-६३ सालको जनआन्दोलनको सफलतापछि राष्ट्रमा लोकतन्त्र व्यवस्थाको अभ्यास भैसकेपश्चातपनि देशलाई गणतन्त्रमा लाने कि नलाने भन्नेमा नेपाली राजनीतिक पार्टीहरु एवं वरिष्ठ राजनीतिज्ञहरुबीच अन्यौल र विवाहको वातावरण थियो | तर, ढिलै भएपनि वि.सं. २०६४ साल चैत्रमा सम्पन्न भएको संविधान सभाको निर्वाचन पश्चातको पहिलो बैठकले नेपाली राजनीतिलाई नयाँ दिशा एवं गति प्रदान गर्ने अभिप्रायले सबैको बहुमति तथा सहमतिमा देश संघीय लोकतान्त्रिक गणतन्त्रमा लागेको घोषणा गरेका थिए |राजनैतिक विश्लेषकहरु गणतन्त्र दिवस नेपाली राजनीतिले प्राप्त गरेको एक विशिष्ट उपलब्धि भएको ठोकुवा गर्छन् भने यसको संबैधानिक व्यवस्थापन कार्य निक्कै नै चुनौतिपूर्ण तथा कठिन भएको विशेषण गर्छन् |

गणतन्त्र दिवसको ऐतिहासिक दिनमा एकाविहानै गणतान्त्रिक मंचको नामले चर्चित टुँडिखेल मंचमा राष्ट्र अध्यक्षदेखि प्रधानमन्त्री लगाएतका विभिन्न सरकारी निकायका उच्च पदाधिकारीहरु, राजनीतिक दलका नेताहरु र सर्वसाधारण जनताहरुको वृहत् उपस्थितिमा देशको राजनीतिक उपलब्धि र चुनौतीहरुको सेरोफेरोमा विशेष विवेचनात्मक कार्यक्रम आयोजन गरी मनाइन्छ भने यसदिन राष्ट्रिय रुपमा सम्झनात्मक प्रभातफेरी, र्याली जुलुस तथा कोणसभाहरुको आयोजना गरिएका हुन्छन् |
गणतन्त्र दिवसको अवसरमा राष्ट्रिय रुपमा सार्वजनिक विदा दिइन्छ र उक्त दिन विभिन्न संचारमाध्यमहरुबाट गणतन्त्र दिवसको बारे प्रचारप्रसार गर्ने, राष्ट्रिय दैनिक पत्रपत्रिकाहरुमा गणतन्त्र विशेष अंकहरुको प्रकाशन र त्यसको महत्व, उपलब्धि र चुनौतीको सम्बन्धमा ठाउँ-ठाउँमा छलफल एवं विवेचनात्मक संवादका कार्यक्रमहरु गरिन्छन |

Leave a Reply

Your email address will not be published. Required fields are marked *

Copyright © 2017 Nepali Patro - Nepali Calendar - नेपाली पात्रो, All Rights Reserved