No Image

इद उल फित्र/फितर

By Nepali Patro in चाडपर्व .
मार्च 20, 2017

सर्वत्र भाइचारा, सुख, शान्ति र समृद्धि प्रदान गरी स‌ंसारभर खुसी सञ्चार गर्ने अल्लाहप्रति शुक्रिया अदा अर्पण गर्दै समस्त मुसलमान दाजुभाइ तथा दिदीबहिनीहरूमा पवित्र पर्व इद उल फित्रको अवसरमा नेपाली पात्रोकाे तर्फबाट धेरैधेरै मुबारक अर्पण गर्दछौं।

एक महिनाको रोजा समापनअघि मुसलमान समुदायले इदगाह पढ्ने स्थानमा भेला भई नवाज पढेर अल्लाहप्रति दुवा गर्दै मानव जीवन सुखमय होस् र कोही पनि दीनदुःखी हुन नपराेस‍् भनी प्रार्थना गर्दछन्। त्यसपछि एक-आपसमा अँगालो मारी शुभकामना आदानप्रदान गरिन्छ। सम्पूर्ण मानव समुदायलाई अनेकतामा एकताको सन्देश दिने पर्वका रूपमा यस पर्वलाई लिइन्छ। सबैमा भाइचारा बढाउन र उपकारको भावना जागृत गर्न नियमअनुसार अन्न र पैसा दान गरी नहुनेहरूको अभाव टार्ने गरिन्छ। यसरी संसारलाई बराबरीको हकदार बनाई जीवनलाई अल्लाहमा समर्पण गर्ने प्रण रोजाका अवसरमा गरिन्छ। रोजा बसिसकेपछि मरेपछि जन्नत (स्वर्ग) पुगिने धार्मिक जनविश्वास छ।

खुसीपूर्वक दान गरेर दीनदुःखी एवं गरिबलाई बाँडिने भएकाले यो पर्वलाई इद उल फितर भनिएको हो । अरबी पात्रोअनुसातर नवौँ महिनाको अन्तिम दिन आज इद उल फितर पर्व मनाउन लागिएको हो। यो पर्वमा जुनसुकै वर्गका मुस्लिमले पनि यस दिन मिठोमसिनो खाई पर्व मनाउँछन्।


Related Posts
Comments
    Rajesh Pradhan

    Eid Mubarak to ALl——

    सुनील थापा

    भाइचारा, सुख, शान्ति र समृद्धि प्रदान गरी संसारभर खुसी सञ्चार गर्ने अल्लाहप्रति शुक्रिया अर्पण गर्दै समस्त दाजुभाइ तथा दिदीबहिनीहरूमा पवित्र इद उल फित्रको अवसरमा धेरैधेरै मंगलमय शुभकामना!


Load more comments
Leave a comment

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ

error: Please get rights from Nepali Patro for coping contents from this site. !!!